Omongy`a, ombotiay
Ombopiru ha ojuka
Jepe ka`avo, yvyra ra`y
Ysyry oîva omongy`a.
Âichagua tapicháko oî
Aña remimbou oimenevoi
Tekoha oîva omboypi
Ohypytyne avei ñesapymi.
Tekotevê ñañohendu
Jajepy`apy ha japáy
Jaipotarõ oho puku
Yrõ mande yvy osapy.
Jaipe`a yvygui ipyjokuaha
Ani ñamongy`a ñande rekoha
Tajy, urunde`y, ka`i keha
Âvako ha`e ñande rekovesâ.
Ka`aguy, ysyry ñamoingove
Mymba kakuaa ha chu`imi taipytyhê
Umi ka`ysáre po`i toturuñe`ê
Tupã rymba pepo para porâite.
Tembiapóke pehechauka
Teta sambyhyhára maymáva
Peê ha`e jeroviaha
Sapukáipeko oi mande rekoha
Lic. Oscar Teodoro Martinez Campuzano
La Paz, 23-04-2010
No hay comentarios:
Publicar un comentario