Paraguái Sandykôi

Che apytu`û hypy`ûvehágui okukúi
Ñe`êyvoty omimbi ha iñapesâmbáva
Mayma che retâguaite oñandúva
Mokôi sa arýguima tapérehe oipykúi.

Tetâ pyahu rekávo ñaikundaha
Oîhápe tekojoja ha py`aguapy
Mba`eveichagua ani ñanembojoavy
Ha arapy rehe tojeikuaa ñanemba`apoha.

Hetama ningo ojejahéi ñane retâre
Ku ñande poyvi chalaimiramo jepe
Araka`eve naitindýiva upevére
Kirîrîme osapukáiva opa araite.

Jajepytasóke peteî ñe`ême paraguaigua
Ko sandykôi taisarambi, arapy rehe tojeikuaa
Ndaha`eiha pokarê ha mba`apose`ÿre oñemoañetéva
Arandu hypy`û ha kyre`ÿ ñanembojepokua.

Néina lo mitâ ñañomboheta
Ku kavytâicha ñahuâ`imbaite
Ñamuñamba umi ndohayhúiva tetâ
Taipytuhêmijey yvy guaraniete.

Molas, Yegros, Francia ha Caballero
Âvako ha`e ñande ypy, leô guaraní
Ñemotî ndoikuaaichéne mba`eveichaverô
Tove py`arorýpe yvága guive ñanderovasami

Ñande poyvi pytâ, morotî hovy
Tove ikurahy`âme maymáva ñaime
Tekojoja, py`aguapy ha tekosâsôme
Opoñýre ñande retére guaraní ruguy

Autor: Lic. Oscar Teodoro Martínez Campuzano

Esta poesía fue incluida en el poemario "Itapúa saluda al Bicentenario"

El poemario fue una iniciativa de la Gobernacion del Departamento

Aqui con Leticia Martinez, otra autora de poesia, y el Gobernador: Don Juan Eudes Afara Maciel.